Krua Thai

Eitthvað hefur Fischer karlinn hreyft við aðstandendum Krua Thai við Tryggvagötu því ógeðið sem mér fannst einkenna staðinn er nú víðs fjarri. Ég sló til og prófaði í hádegi og viti menn, staðurinn er hreinni og loftið betra en það var. Og maturinn er góður. Afgreiðslan er dálítið á persónulegu nótunum en það stuðaði ekki, svolítið mömmulegt og örugglega meint þannig. Réttirnir sem bornir eru á borð eru eins og þeir sem myndirnar eru af á heimasíðu staðarins, nokkuð sem mætti taka til fyrirmyndar. En skákjöfurinn var hvergi sjáanlegur ...